Tuesday, April 10, 2007

ಜಾನಿ - ಜಂಪ್ - ಅಪ್ ಎಂಬ ನಗೆ ಹೂ


ಈ ಜಾನಿ-ಜಂಪ್ -ಅಪ್ ಹೂಗಳನ್ನು ನೋಡಿದಾಕ್ಷಣ ನನಗೆ ಕಿಸಕ್ ಅಂತ ನಗು ಬಂದು ಬಿಡುತ್ತೆ.
ತಲೆ ಮೇಲಿನ ಎರಡು ದಳದ ಟೋಪಿಯೋ, ಕಾರ್ಟೂನು ಚಿತ್ರಗಳ ಚೀನೀ ಮನುಷ್ಯನ ಕಣ್ಣುಗಳಂತಿರುವ ಗೆರೆಯ ಕಣ್ಣುಗಳೋ,ಮಾಯವೇ ಆಗಿ ಹೋಗಿರುವ ಬಾಯಿ ಮೇಲೊಂದು ಮೀಸೆ ಬೇರೆ ಕೇಡು ಎನ್ನಿಸುವ, ಮಗು ಬರೆದ ಚಿತ್ರದ ಪುರುಚಲು ಮೀಸೆಯಂತೆ ಕೆಳ ಬಗ್ಗಿರುವ ಮೀಸೆಯಂಥಾ ಮೂರು ಜೊತೆ ಗೆರೆಗಳೋ ,ಹಳದಿಯ ದಪ್ಪ ಮೂಗೋ ಯಾವುದು ನನಗೆ ನಗೆ ತರಿಸುವುದೂ...? ಗೊತ್ತಿಲ್ಲ
`ಅಯ್ಯೋ ನಿನ್ನ ಮಂಗನ ಮೂತಿ ಮೊದಲು ನೋಡಿಕೋ...ಆಮೇಲೆ ನನ್ನ ಮುಖ ನೋಡಿ ನಗೋವಂತೆ' ಅಂತ ಅವೂ ನನ್ನ ನೋಡಿ ನಗುತ್ತಿವೆಯೇನೋ ಅಂತಾನೂ ಮರು ಕ್ಷಣವೇ ಅನ್ನಿಸಿ ಬಿಡುತ್ತೆ!
ಎಂಥಾ ಆಕಾಶ ತಲೆ ಮೇಲೆ ಬೀಳೋವಷ್ಟು ಚಿಂತೆ ಸಂಕಟ ಇದ್ರೂ ಜಾನಿ -ಜಂಪ್-ಅಪ್ ನೋಡಿದಾಗ ನಾನು ನಗದೇ ಇರಲಾರೆ
*************
ಷೇಕ್ಸ್ ಪಿಯರನ `ಮಿಡ್ ಸಮ್ಮರ್ ನೈಟ್ಸ್ ಡ್ರೀಮ್' ನಲ್ಲಿ ಜಾನಿ-ಜಂಪ್-ಅಪ್ ಬಗೆಗಿನ ಒಂದು ತಮಾಶೆಯಾದ ವಿವರವಿದೆ.
ಅದು ಹೀಗೆ...
ಮಲಗಿರುವ ಯಾವುದೇ ಮನುಷ್ಯನ ಕಣ್ರೆಪ್ಪೆಗಳಿಗೆ ಜಾನಿ-ಜಂಪ್-ಅಪ್ ನ ರಸವನ್ನು ಲೇಪಿಸಿದರೆ ಆ ವ್ಯಕ್ತಿ ಎದ್ದಾಗ ಮೊದಲು ಯಾರನ್ನು ನೋಡುವನೋ,ಅದೊಂದು ಕತ್ತೆಯೇ ಆಗಿರಲೀ, ಗಾಢವಾಗಿ ಪ್ರೇಮಿಸಿ ಬಿಡುವನಂತೆ!
ಇಂಥದೊಂದು ವಿವರದೊಂದಿಗೆ ಸಮರ್ಥ ಲೇಖಕನೊಬ್ಬ ಎಂಥೆಂಥಾ ತರಲೆ ಪ್ರಸಂಗಗಳನ್ನು ಸೃಷ್ಟಿಸಬಹುದು ಯೋಚಿಸಿ...
*************
ನಾಳೆ (April 11) ಬೆಳಗ್ಗೆ 7.30 (PST) Sanfrancisco ಪ್ರದೇಶದಲ್ಲಿರುವ Stanford KZSU 90.1 ರೇಡಿಯೋ ಚಾನಲ್ ನಲ್ಲಿ ನಗು ಅರಳಿಸುವ ಕನ್ನಡ ಹಾಡುಗಳಿಂದ ಕೂಡಿದ ಕಾರ್ಯಕ್ರಮವಿದೆ (http://www.itsdiff.com/ ನಲ್ಲಿ ಕೂಡಾ ಇದು ಲಭ್ಯ)
ಕಾರ್ಯಕ್ರಮ ಯಶಸ್ವಿ ಯಾಗಲೀ
ನಿಮ್ಮೆಲ್ಲರ ಮೊಗದಲ್ಲಿ ಜಾನಿ-ಜಂಪ್ -ಅಪ್ ಅನ್ನು ಮೀರಿಸುವಂಥಾ ನಗೆ ಅರಳಲಿ ಅಂತ ಹಾರೈಕೆ

1 Comments:

Anonymous Anonymous said...

Hello Mala,
Shakespeare naatakadalli barodu Johnny jump up antha gottirallilla.

ugadi vishesha radio karyakramakke nIvu nIDida SuBASayagaLige dhanyavAdagalu. Thank you very much for your nice thoughts.

Madhu

11:39 PM  

Post a Comment

Subscribe to Post Comments [Atom]

<< Home