ಹಸುರಿನ ಮಡಿಲು ಏನೆಂಥ ಒಡಲು

ಹಸುರಿನ ಮಡಿಲು ಏನೆಂಥ ಒಡಲು
ನಿನ್ನ ಆಸರೆಯೇ ಮುದವಿಟ್ಟ ಗುಡಿಯು


ಓ ನಮ್ಮ ತಾಯಿ... ಗಿಡಬಳ್ಳಿಯಾಗಿ
ನೆಲದ ಹಾಸಾಗಿ ತಲೆಮೇಲೆ ತೂಗಿ
ನೀನೇನೆ ನಮ್ಮ ಆಹಾರವಮ್ಮ
ಅಪ್ಪಿಡುವೆ ನಿನ್ನ ಅಪ್ಪಿಕೋ ಬಾಮ್ಮ


ಓ ನೀನೆ ಮಾಯಿ... ಹೂಗೊಂಚಲಾಗಿ
ಮಧುವಾಗಿ ಚೆಲುವಾಗಿ ಸವಿಜೇನು ತೂಗಿ
ನೀನೇನೆ ನಮ್ಮ ಒಲವಿಂಚಿಯಮ್ಮ
ಅಪ್ಪಿಡುವೆ ನಿನ್ನ ಅಪ್ಪಿಕೋ ಬಾಮ್ಮ


ಹೇ ಮಹಾ ಮಾಯಿ...ಹಸುರಾದ ಬಾಯಿ
ಚಿಗುರಿಡುವ ಸೊನೆಗರೆವ ಹೂಹಣ್ಣು ಕಾಯಿ
ನೀನೇನೆ ನಮ್ಮ ಗುರಿ ತೋರಿಸಮ್ಮ
ಅಪ್ಪಿಡುವೆ ನಿನ್ನ ಅಪ್ಪಿಕೋ ಬಾಮ್ಮ
- ವೇಣುಗೋಪಾಲ ಸೊರಬ

********
ವೇಣುಗೋಪಾಲ ಸೊರಬ(1937-)ಕನ್ನಡದ ಪ್ರಮುಖ ಕವಿ ಬೆಂಗಳೂರು ಜಿಲ್ಲೆಯ ದೇವನಹಳ್ಳಿಯವರು
ಮುಸುಕು-ನಸುಕು ,ಜೀವ-ಜೀವಂತ ,ಗರಿ ಮುರಿದ ಹಕ್ಕಿಗಳು ಇವರ ಕೆಲವು ಕವನ ಸಂಕಲನಗಳು
ಸೊರಬ ಅವರ ಗರಿ ಮುರಿದ ಹಕ್ಕಿಗಳು”(1974) ಕೃತಿಗೆ ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಬಹುಮಾನ ಬಂದಿದೆ