Friday, June 19, 2009

ಹೂವಿನ ಭಾಷೆ -ಹುಲ್ಲಿನ ಭಾಷೆ- ಹಲ್ಲಿನ ಭಾಷೆ...


ರೆಪ್ಪೆ ತೆರೆದರೆ ಮೆಲ್ಲನೆ ಬೀಸಿಬಂದ ಗಾಳಿ ಹೊತ್ತಾಯ್ತು ಏಳೇ.. ಅಂತ ಕೈ ಜಗ್ಗಿ ಎಬ್ಬಿಸುತ್ತಿದೆ
ಅದರದೇ ತಂಪಿನ ಭಾಷೆಯಲ್ಲಿ.
ಕೈ ಉಜ್ಜುತ್ತಾ ಎದ್ದಾರೆ ಬಳೆಗಳ ಕಿಣಿ ಕಿಣಿ...
ನಲ್ಲಿಯಲ್ಲಿ ತಟ್ ಪಟ್ ಅಂತ ಹನಿ ಹನಿಯೇ ನೀರು ತೊಟ್ಟಿಕ್ಕಿದರೂ ಬೇಸರವಾಗಲಿಲ್ಲ
ಮುಖ ತೊಳೆಯದೇ ಹೊರಬಂದೆ ಅಷ್ಟೇ...

ಅಂಗಳದಲ್ಲಿ ಹಸು ಕರು ಹುಲ್ಲು ಭಾಷೆಯಲ್ಲಿ ಮಾತಾಡುತ್ತಿದ್ದವು
ಹೂವುಗಳದ್ದೋ ಸೌಗಂಧದ ಭಾಷೆ...
ಜೇನುಹುಳುಗಳದ್ದು ಝೇಂಕಾರದ ಭಾಷೇನೋ ಗುಂಯ್ ಭಾಷೆನೋ ನಿರ್ಧರಿಸಲಾಗಲಿಲ್ಲ ...
ದಾಸವಾಳ ನೋಡಿ ಪೂರ್ವ ನಾಚ್ಕೋತಿದೆಯೋ ಅಥ್ವಾ ಪೂರ್ವ ನ ನೋಡಿ ದಾಸವಾಳವೋ...
ಅಥ್ವಾ ಇವ್ರಿಬ್ರೂ ಸೂರ್ಯನ್ನ ನೋಡಿ ನಾಚ್ಕೋತಿದಾರೋ...ಗೊಂದಲವಾಯಿತು

ಪುಟಾಣಿ ಹಳದಿ ಪಕ್ಷಿಯೊಂದು ಟ್ವಿ ..ಟಿಟಿವಿ...ಟ್ವೀವ್.. ಅಂತ ಕೇಳಿದ್ದಕ್ಕೆ ಅಳಿಲು ತನ್ನ ಕೈಲಿದ್ದ ಯಾವುದೋ ಬೀಜನ
'ಅಯ್ಯೋ ಮುದ್ದು ...ಇದ್ ನಿಂಗೆ ಬೇಕೇನೇ... ತೊಗೊ ಅಂತ ಕೆಳಗಿಟ್ಟು ಓಡಿ ಹೋಯಿತು...

ನಾನು ತೊಳೆಯದ ಮೂತಿಯಲ್ಲಿ ಇದೆಲ್ಲಾ ನೋಡ್ತಾ ಕಣ್ಣರಳಿಸಿಕೊಂಡು ಕೇಳ್ತಾ ಇದ್ದೆ

ಆಗ-
ಕಳ್ಳ ನನ್ ಮಗನೇ ನಿನ್ನ ಹುಟ್ಟಲಿಲ್ಲ ಅನ್ನಿಸಿ ಬಿಡ್ತೀನಿ ಇವತ್ತು...
ಧಬ್! ಧಬ್! ಧಬ್!
ಊಊ...ಊಊ..ಊಊ..

ಕೇಳಸ್ತು......

1 Comments:

Anonymous Anonymous said...

ಅಶ್ಟು ಚೆಂದನ್ನ ಕನಸಿಗೆ ಹುಳೀ ಹಾಕಿದೋರ್ ಯಾರಪ್ಪಾ? ಅವ್ರನ್ನ ಹುಟ್ತಿಲ್ಲಾ ಅನ್ಸಿಬಿದಿ

11:10 AM  

Post a Comment

Subscribe to Post Comments [Atom]

Links to this post:

Create a Link

<< Home