ಉಲ್ಲಾಸದ ಹೂಮಳೆ.....

ಬಹುದಿನಗಳಿಂದ ಇವಳನ್ನು ನೋಡಬೇಕೆಂದು ಹಂಬಲಿಸುತ್ತಿದ್ದೆ

ನೆನ್ನೆ ಕಾಣಸಿಕ್ಕಿದಳು

ನನಗೆ ಇವಳೊಂದು ಸೋಜಿಗ

ಸಾವಿರ ಸೋಲಿಗೆ ಹೆದರದ ಇವಳ ಜೀವನೋತ್ಸಾಹ ನನಗೆ ಸದಾ ಸ್ಪೂರ್ತಿ

ನನ್ನ ಹೆತ್ತವರು ಜೊತೆಯಾದವನು ನನ್ನ ಬರವಣಿಗೆಗೆ ಪ್ರೋತ್ಸಾಹ ನೀಡಿರುವುದು ನಿಜ

ಆದರೆ ನನ್ನ ಬರವಣಿಗೆಯ ಬಗ್ಗೆ ಬದುಕಿನ ಬಗ್ಗೆ ನನಗೇ ನಂಬಿಕೆ ಇಲ್ಲದ ಆ ದಿನಗಳಲ್ಲಿ ಬಹುದೊಡ್ಡ ಒತ್ತಾಸೆಯಾಗಿ ನಿಂತವಳಿವಳು

ನನಗೆ ಬದುಕು ಹದ ತಪ್ಪುತ್ತಿದೆ ಅನ್ನಿಸಿದಾಗಲೆಲ್ಲಾ ಇವಳ ನೆನೆಸಿ ಕೊಳ್ಳುತ್ತೇನೆ

ಇವಳ ಸ್ವಲ್ಪ ಒರಟು ಮಾತು, ಮುಂಗೋಪ....

ಸಾಧಿಸಿಯೇ ತೀರುತ್ತೀನೆಂಬ ಗಟ್ಟಿ ಹಟ, ಎಂಥಾ ಘಳಿಗೆಯಲ್ಲೂ ಕಳೆದು ಕೊಳ್ಳದ ಜೀವನ ಪ್ರೀತಿ....

ಆ ನಾಜೂಕು ಆಕೃತಿಯಲ್ಲಿ ಅದೆಷ್ಟು ಚಂದ ಬದುಕುವ ಕೆಚ್ಚು ಇದೆಯಂದರೆ....

ವಜ್ರಾದಪಿ ಕಠೋರಾಣಿ ಮೃದೂನಿ ಕುಸುಮಾದಪಿ.....

*************

ನನಗಿವತ್ತೆಲ್ಲಾ ಉಲ್ಲಾಸದ ಹೂಮಳೆ.....