ವ್ಯಾಲೆಂಟೇನ್ ಭೂತ..!

ಇವತ್ತು ಬೆಳಗ್ಗೆ ಗಡಿಬಿಡಿಯಲ್ಲೇ (ಲೇಟಾಗಿ )ಎದ್ದಿದ್ದು

ಹತ್ತಕ್ಕೆ ನಿಮ್ಮನೆ ಹತ್ರ ಬರುತ್ತೇವೆಂದು ಸ್ನೇಹಿತರಿಗೆ ಹೇಳಿಬಿಟ್ಟಿದ್ದರಿಂದ ಇನ್ನಷ್ಟು ಗಡಿಬಿಡಿ.

ನನ್ನ ಸುಪುತ್ರನು ಪೋಕರಿ ವಿದ್ಯೆಯಲ್ಲಿ ಪಿ.ಹೆಚ್.ಡಿ ಮಾಡುವ ಹಂತಕ್ಕೆ ಬಂದಿರುವುದರಿಂದ ಮತ್ತಷ್ಟು ಗಡಿಬಿಡಿ

ಎರಡು ಒಲೆಯಲ್ಲಿಟ್ಟಿದ್ದ ಅಡುಗೆ ನೋಡಿಕೊಳ್ಳುತ್ತಾ ,ಮಗುವನ್ನು ರೆಡಿಮಾಡುತ್ತಾ

ನಾನು ಜಡೆ ಹಾಕಿಕೊಳ್ಳುತ್ತಿರುವಾಗ "ಓ ಇವತ್ತು ವ್ಯಾಲೆಂಟೇನ್ಸ್ ಡೇ'ಅಲ್ವಾ

ಅಂತ ದಿಢೀರನೆ ನನ್ನ ಮಂದ ಬುದ್ದಿಗೆ ಹೊಳೆದು ಬಿಟ್ಟಿತು.

ಇವನಿಗೆ ವಿಶ್ ಮಾಡೋಣಾ ಅಂತ ರೂಮಿಗೆ ಹೋಗಿ ರೆಡಿಯಾಗುತ್ತಿದ್ದ

ಇವನಿಗೆ ತುಂಬಾ ಪ್ರೀತಿಯಿಂದ ಮುತ್ತಿಟ್ಟು ವಿಷ್ ಮಾಡಿದೆ.

ಅದಕ್ಕವನು ಕಣ್ ಕಣ್ಣು ಬಿಟ್ಟ

ನನಗೆ ಅರ್ಥವಾಗಲಿಲ್ಲ ಅವನ ಮುಖವನ್ನೇ ದಿಟ್ಟಿಸಿದೆ

ಯಾಕೆ ನಿನಗೆ ಹ್ಯಾಗೆ ಕಾಣ್ತಿದೀನಿ ನಾನು...? ಅಂತ ಕೇಳಿದ

ಆಂ... ಅಂದೆ

ನಿನಗೆ ಮೈ ಸರಿಯಾಗಿದೆಯಾ.." ಅಂತ ತುಂಬಾ ಅಸ್ಥೆಯಿಂದ ವಿಚಾರಿಸಿದ

ಯಾಕೆ..? ಕೇಳಿದೆ

"ಮತ್ತೆ ನನಗೆ ಹ್ಯಾಪಿ ಹ್ಯಾಲೋವೀನ್ ಅಂತ ವಿಷ್ ಮಾಡಿದೆಯಲ್ಲಾ ಅದಕ್ಕೆ...

ನಾನೇನಾದರೂ ಕಾಸ್ಟ್ಯೂಮ್ ಹಾಕಿಕೊಳ್ಳದೇನೇ ಭೂತದ ತರ ಕಾಣ್ತಿದೀನಾ..."ಅಂದ

ಹೌದಾ... ನಾನು ಹಾಗೆ ವಿಷ್ ಮಾಡೆದೆನಾ...? ನಾನೇನಂದು ಕೊಂಡೆ ಅಂದ್ರೇ..." ವಾಕ್ಯ ಮುಂದುವರೆಸಲಾಗಲಿಲ್ಲ...

"......................."

ಎರಡು ನಿಮಿಷದ ನಂತರ ನಾವಿಬ್ಬರೂ ಜೋರಾಗಿ ನಕ್ಕು ಬಿಟ್ಟೆವು