ಹಸಿರು ಚಾಮರಗಳು

ಅಂದು ಅಲ್ಲಿ ಸುಮ್ಮನೆ ಅಲೆಯುತ್ತಿದ್ದೆ.....

ಹಸಿರು, ಚಾಮರ ಬೀಸುತ್ತಿತ್ತು.

ಹಸಿರು, ಚಾಮರ ಬೀಸುತ್ತಾ ನನ್ನ ಕರೆಯಿತು

ನೀಲಿಯ ಮುಗಿಲಿನ ಚಪ್ಪರದಡಿಯಲ್ಲಿ,

ಸಾವಿರ ನಕ್ಷತ್ರದಂಥಾ ಬಿಳಿ ಬಿಳಿ ಹೂ ಹಾಸಿರುವಲ್ಲಿ,

ಹಸು ಮಗುವಿನಂಥಾ ಚಿಗುರುಗಳ ನಗುವಿನಲ್ಲಿ,

ಇಬ್ಬನಿಯ ಮುತ್ತುಗಳು ಹಗುರಾಗಿ ಹರಡಿರುವಲ್ಲಿ,

ತಂಗಾಳಿಯು ತನ್ನ ತಂಪು ಸೆರಗು ಪಟಪಟಿಸುತ್ತಿರಲು,

ನದಿಯ ಹೆಜ್ಜೆಯ ಗೆಜ್ಜೆ ದನಿ ನಿನಾದ ಕೇಳುತ್ತಿರಲು,

ಈ ಹಸಿರು ಚಾಮರಗಳು ನನ್ನ ಕರೆದವು.

ಈ ಹಸಿರು ಚಾಮರಗಳು`ನಲಿವಿನಿಂದ' ನನ್ನ ಕರೆದವು.

ಮಂತ್ರಮುಗ್ಧಳಂತೆ ನಾನು ಅವುಗಳ ಬಳಿ ಸಾರಿದೆ.....